حوار صحفي مع الكاتبة عايدة كمال
تتشرف جريدة و مؤسسة حلم كاتب بعمل حوار صحفي مع الكاتبة المتميزة عايدة كمال والذي تستحق منا كل الدعم والتقدير
سـ¹ حدثينـا عن سيرتك الذاتيه؟
انا عايدة كمال ، عندي 20 سنة ، من محافظة دمياط
سـ² حدثينا عن موهبتك ومتي اكتشفتيها ؟
انا شاعرة بكتب وبلقي ، اكتشفت موهبتي وانا عندي 12 سنة
سـ³ ما أهم صفات الكاتب من وجهة نظرك ؟
انه اي حاجة يكتبها لازم يكون حاسسها وانه لازم يتكلم ب لسان الناس
سـ⁴ حدثينا عن انجـازاتك في مجـال الكتابه؟
اتكرمت في محافظتي كتير وبنزل حفلات وبحاول اني اوصل ل حلمي ان شاء الله
سـ⁵ حدثينا عن طموحاتك الذي تسعين أن تصلِ إليها ؟
اني اكون حاجة كبيرة في الشِعر وصوتي يوصل ل كل الناس واني اكون حاجة الكل يفتخر بيها
سـ⁶ ماذا تمثل لك الكتابة ؟ وكـيف تراها؟
هي حياتي بجد واكتر حاجة بحبها وبحب الجأ ليها ديما في كل اوقاتي
سـ⁷ ما هي أنواع الكتابة المفضلة لديك؟
اللي فيها مشاعر عشان بحسها بتوصل ل الناس اسرع
سـ⁸ من هو الداعم الذي دعمك حتي تصل ما وصلت إليه ؟
اهلي وصحابي
سـ⁹ ما هي الصعوبات التي واجهتك في مجال الكتابه؟ وكيف تخطيتها ؟
ناس كتير قالولي م هتوصلي واني استخدم حلمي كا موهبة بس انا تخطيت كل ده ب اني اثبتلهم اني اقدر احقق حلمي واتكرمت كذا مرة الحمدلله
سـ كيف تتعاملين مع موهبتك و كيف تنميها ؟
بسمع شِعر كتير وبحاول اكتب اكتر وانزل تدريب
سـ11 شئ من كتاباتك ؟
جواك كلام كتير
والحزن بيزيد
بهتت ملامحك
وزادت التجاعيد
طب هتفضل لامتي ساكت
زاد الوجع
واحلامك كلها ماتت
ضاع الشغف
والحب مات جواك
زعلان ع اللي راح
ولا اللي لسة بيستناك
ولا خايف من العتمة اللي هناك
طب قرب كمان يمكن... يمكن تلاقي النور
انا تعبت .. انا تعبت اقرب
وخايف اقرب ارجع بخيبة
واللي باقي مني مكسور
كل اما اقرب خطوة برجعها تاني
وكأن الدنيا معنداني وحالفة لافضل مكاني
طب اعمل ايه
ازاي اقولهم اني تعبان
رغم اني من برا ثابت وبضحك وبهزر
ازاي اقولهم اني تعبان
وانا من جوايا بتكسر .
_عايدة كمال
سـ12 هل لديك أي مواهب أخرى؟
لا
سـ12 هل تعتقد أن الموهبة وحدها تكفي للنجاح؟
ايوا اكيد
سـ13 من وجهة نظرك كيف يتعامل الكاتب من اى نقد يوجه إليه ؟
يحاول يثبت عكس اي انتقاد بيجيلوا ويثبت للكل انه ناجح ويقدر يحقق اي حاجة
سـ14 هل يوجد رساله تود إيصالها من خلال الكتابه ؟
خليك واثق انك هتوصل
وان حلمك هو سلاحك
تحارب بيه كل اللي بيشكوا ف نجاحك
واطلع سلالم حلمك بالصبر
دا ان كنت صحيح عاوز توصل فاكيد هتلاقي نهايته جبر
وصدقني ربنا هيراضيك
عشان كل اللي عابوا فيك وقالوا انك مش هتنجح
وانك فاشل ومش هتفلح
والاسم انهم بيهزروا
بكرا يتمنوا يشوفك ومعاك يتصوروا
وبكرا مش بعيد
دا يقين ف الله
اتعب وعافر
عشان لذة الوصول
هتكون تعويض
عن كل اللي شوفناه
_عايدة كمال
سـ15 ما النصائح التي تريدين توجيها للكُتاب المبتدئين ؟
متيأسش حلمك قريب منك بس انت عافر وكمل وهتوصله وبلاش تستسلم لاي انتقاد
سـ16 كلمتك الاخيره للقاء والمحرره؟
ربنا يوفقك يارب وان شاء الله من نجاح ل نجاح دايمًا
إذا طلبت منك وصف المؤسسة لكي تلفتي نظر العالم إليها و تبقي أقرب للقلوب ؟
المؤسسة جميلة جدا وفكرتها جميلة وبتشجع الناس وبتمني ليهم كل النجاح
وإلي هنا يكون قد أنتهي حوارنا مع الكاتبة المبدعة عايدة كمال و نتمني لها كل التوفيق والنجاح في حياتها.
المؤسسة الإعلامية إنچي أحمد
تعليقات
إرسال تعليق