حوار صحفي مع الكاتب حمدي المغازي
تتشرف جريدة و مؤسسة حلم كاتب بعمل حوار صحفي مع الكاتب المتميز»حمدي المغازي«والذي يستحق منا كل الدعم والتقدير
سـ¹ حدثنـا عن سيرتك الذاتيه؟
اسمي حمدي المغازي عندي ٢٣ سنة من محافظة كفر الشيخ.
سـ² حدثنا عن موهبتك ومتي اكتشفتها ؟
انا بحب اللغة العربية من صغري والحمد لله كنت شاطر فيها جدًا وده اللي ساعدني أكتر في إني اكتب و.. أحوّل الأفكار اللي كانت بتجيلي لقصص، أكتشفت موهبتي لما بدأت في الكتابة من اربع سنين، عملت بيدچ ونزلت عليها أول قصة ليا، القصة نالت إعجاب ناس كتير جدًا وده اللي خلاني أكمل وأطور من نفسي أكتر.
سـ³ ما أهم صفات الكاتب من وجهة نظرك ؟
الصبر،تقبل الرأي الآخر،الإصرار،والإلتزام
سـ⁴ حدثنا عن انجـازاتك في مجـال الكتابه؟
بفضل الله انا شاركت في كتاب ٨ مِلّي السنة اللي فاتت مع فريق الزائرون والكتاب هحقق نسبة مبيعات عالية جدًا ..و مشارك السنادي بعمل منفرد مش هقدر أعلن عن إسمه دلوقتي، بس هيكون مع دار بيت الياسمين، وليا بعض القصص الإذاعية بالإضافة لقصة هتنزل قريب مع الاستاذ أحمد يونس.
سـ⁵ حدثنا عن طموحاتك التي تسعي أن تصلِ إليها ؟
إني اوصل لأفضل نسخة منّي، انا مش في سباق مع حد، انا في سباق مع نفسي .. وبإذن الله فكرة روايتي اللي بحضّر ليها لمعرض ٢٠٢٦ تكون طفرة في عالم الكتابة.
سـ⁶ ماذا تمثل لك الكتابة ؟ وكـيف تراها؟
الكتابة أصبحت جزء من يومي،وجزء كبير من شخصيتي بيتجسد في أبطال قصصي .. حياة.
سـ⁷ ما هي أنواع الكتابة المفضلة لديك؟
أدب الرعب أدب الجريمة.
سـ⁸ من هو الداعم الذي دعمك حتي تصل ما وصلت إليه ؟
بابا بصراحة مش بيفوت ليا قصة غير لما يدعمني عليها .. وبعض اصدقائي.
سـ⁹ ما هي الصعوبات التي واجهتك في مجال الكتابه؟ وكيف تخطيتها ؟
سدة الكتابة(Writer's Block) .. بالصبر
سـ كيف تتعامل مع موهبتك و كيف تنميها ؟
إن دي حاجة ربنا ميزني بيها عن ناس كتير لازم احافظ عليها، واقدر باللي انا بكتبه اوصل رسالة للناس حتى لو بطريقة غير مباشرة، بالقراءة ثم القراءة ثم القراءة.
سـ11 شئ من كتاباتك ؟
قصة سر اللوحات القصة دي بحبها جدًا .. وقصة إستحضار.
سـ12 هل لديك أي مواهب أخرى؟
كرة القدم.
سـ12 هل تعتقد أن الموهبة وحدها تكفي للنجاح؟
لا طبعًا، الشخص لو بدون موهبة بس مسك في الحاجة اللي بيحبها وطور من نفسه،يقدر يوصل لـ٨٠٪،إنما الشخص الموهوب لو مستغلش موهبته بطريقة صحيحة هيفشل.
سـ13 من وجهة نظرك كيف يتعامل الكاتب من اى نقد يوجه إليه ؟
لو كان النقد بنّاء مفيش أي مشكلة هاخد الموضوع بصدر رحب لأن ده هيكون في صالحي وهيخليني أبص للموضوع بنظرة مختلفة عشان مكررش الخطأ، بس لو في تطاول يبقى التجاهل أمر كافي.
سـ14 هل يوجد رساله تود إيصالها من خلال الكتابه ؟
أكيد طبعًا،بحاول دايمًا أعرف الناس إن اللي بيمشي في طريق الشر والأذى بتكون ناهيته بشعة وإن القرب من ربنا سبب كافي لحياة أفضل.
سـ15 ما النصائح التي تريد توجيها للكُتاب المبتدئين ؟
القراءة ثم القراءة ثم القراءة.. وإياكم تيأسوا عافروا وامسكوا في حلمكم وربنا هيكرمكم.. ودايمًا خلّوا عندكم صبر.
سـ16 كلمتك الاخيره للقاء والمحرره؟
إذا طلبت منك وصف المؤسسة لكي تلفت نظر العالم إليها و تبقي أقرب للقلوب ؟
مبسوط جدً إني خدت الفرصة أقول حاجات كتير جوايا واشارك قصة نجاحي اللي وصلت ليها بعد تعب سنين،بشكر طبعًا الإعلامية إنچي أحمد على اللقاء اللطيف ده، واحب اقول ان من خلال المؤسسة تقدر تخرج كل اللي جواك بدون قيود.
وإلي هنا يكون قد أنتهي حوارنا مع الكاتب المبدع المتميز »حمدي المغازي«و نتمني له كل التوفيق والنجاح في حياته.
المؤسسة الإعلامية إنچي أحمد
تعليقات
إرسال تعليق