وفي أجواءٍ مميزة قد أنَرتهَا تِلكَ الكلمات من لغةِ الضاد، و هتَفَ بِهَا الشاعر المميز محمد جواد علي لَوحًا من الأبداع، تتشرف جريدة حلم كاتب بألقاء مد البصر، و تسليط الضوء على كل ماهو جدير.
السن : ٢٦
المحافظة: الدقهلية
التخصص الدراسي : الاتصالات البحرية
العمل: قطاع خاص
من هو #محمد_جواد ؟
شاعر وممثل مسرحي وديكوريست مسرحي وبحب الهندسة الصوتية وبعشق كلمة مبدع وفنان
شئ من أبيَاتَك؟
مش عارف اكتب شعر
وانا والشعر اصحاب
انا كنت بكتب شعر
لناس كتير احباب
كتبت ياما شعر
وصفت فيه الامل
انا شعري مش انسان
عشان يكون كداب
انا شعري اصبح مر
والمر كان جوايا
فلترته من جوايا
وطردته من برايا
وكتبت يومها شعر
والحبر كان في رواية
وبيعته بس السعر
مكانش سعر كفاية
#محمد_جواد
ماهي اعمالك المميزة؟
ديوان #مش_عارف_اكتب_شعر
كيف كانت رحلتك؟
فيها مغامرة وتحدي وخذلان ووجع وصمود وقرار نجاح
ماهي أداة التطور التي استخدمتها؟
حب الناس ليا هوا اداة التطور بالنسبالي
في نظرك متي يحق للانسان أن يكون شاعر ؟
يكون شاعر لما يغير في مجتمع للاحسن او يغير في شخص للاحسن ويقدم رساله من ابداعه
من وجهة نظرك موهبة الشعر مقتصرة على التأليف فقط أم الإلقاء أيضا؟
موهبة كتابة الشعر دي حاجة وموهبة الالقاء حاجة تانية لو حد عنده الموهبتين خير وبركة هيبقي افضل وافضل
ماهي أفضل الأقسام بالنسبة لك في هذا المجال ؟
بحب الشعر العامية
من هم أفضل الشعراء السابقين و المعاصرين الذي تقتضي بهم ؟
افضل الشعراء بالنسبالي الي بيقدم رسالة فعلا مش هقول اسامي بس انا بحب اسمع لناس مش معروفة اصلا بس بالنسبالي هما افضل
ماهي مفاتيح شغفكَ؟
الطموح وحلمي لما افضل افكر فيه طول الوقت اول ما افقد الشغف افكر في حلمي فيرجع شغفي
لنرى المزيد من أبداعك ؟
الي سابك في البداية
كمل المشوار وسيبه
يوم عليا ويوم معايا
والفراق هيكون نصيبه
والي حاسس انه اقوي
هوا اضعف ما يكون
والي اضعف هوا ممكن
راح يكون الاقوي يوم
والي فاهم انه فاهم
هوا اكتر حد جاهل
والي جاهل لو يعافر
راح هيسْلَم م المشاكل
اوعي تفرط في المشاعر
الكلام وياه خسارة
والامارة هوا محبط
ايوة محبط بالامارة
والسحابة السودة عدت
غطت الشمس القوية
هيا لحظة بس لحظة
رجعت الشمس الي هيا!
بعد طول الليل هتيجي
الشمس وتنور حياتنا
بعد كل نهار يعدي
شمس بكرة جاية جاية
والحكاية في البداية
لما كنت في يوم صغير
والصغير بكرة يكبر
يبقي اد الدنيا واكتر
الي سمي والي كبر
والي سلم والي عبر
والي كان مشغول في قصة
حب عبلة وحب عنتر
#محمد_جواد
ماهي نصيحتك لكل الشعراء الجدد في ذلك المجال؟
اوعي تقتبس من حد فكرة قصيدة لو حاسس انك معندكش رسالة متكتبش صدقني هيجيلك فاجأة فكرة قوية تميزك وتكتبها وساعتها هتحس انك عملت حاجة تليق بيك
وفي نهاية هذا الحوار الممتع، ننتظر كل ماهو جديد من أبداعك مع خالص الدعم
مؤسسة الجريدة: الإعلامية إنچي أحمد
تعليقات
إرسال تعليق