حوار صحفي مع الكاتبة المبدعة مريم أشرف
حوار صحفي مع الكاتبة المبدعة مريم أشرف
_ما هو اسمك؟
=مريم أشرف
_دراستك ؟
أتخرجت من كلية الحقوق جامعة الإسكندرية.
_من أي مُحافظة أنتِ؟
الإسكندرية.
_متي بدأتِ الكِتابة؟
من6سنين
_ما هي أهم صِفات الكاتب مِن رأيك؟
=الصبر؛ لأن مجال الكتابة بالذات محتاج صبر، وطولة بال، ومن بعد كده الثقة في كتباته، وحبه، واصراره في تتطوير نفسه في مجال الكتابة .
وبرضو وجود الموهبة والإبداع مهم.
_ما هي خِططك المُستقبلية؟
=أعيد صياغة روياتي السابقة ومن ثم انشرها ورقي او الكتروني على حسب.
وانشر كام رواية ورقي أفكارهم قوية، ولكن لازم مع دار نشر كبيرة، ودة اللي مأخرني في خطوة النشر الورقي.
هجتهد أكتر في تكبير كيان معًا للقمة إللى اسستة.
وهرجع أكتب تاني؛ لأن بقالي فترة موقفة بسبب انشغالي في تنظيم الكيان.
_ماذا تُمثل لكي الكِتابة؟.
= هي كل شئ، بلجأ إليها هربا من الواقع فهي مكان تفريغ طاقتي، هي عالمي الخاص اللي بيكون من صنعي برسم تفاصيلة وبعيش جواه .
_ما أنواع الكتابة المُفضلة لكي؟
الروايات والقصص القصيرة.
_من أول شخص كان ومازال داعِم لكي؟
= بابا و أختي إسراء
_ما هي أهم إنجازاتك؟
اني أسست كيان معًا للقمة وفي أقل من 3أسابيع لاقى إقبال كبير من الكُتاب، فده أهم إنجاز يجب ذكره
وبرضو عندي بيدج خاص بيا أنا وأختي أسمة حكايات سومو وده بمثابة نقطة بدايتي في عالم الروايات
وإنجاز تاني إني أتخرجت من الكلية بتقدير جيد جدا مع مرتبة الشرف رغم صعوبتها .
_ما هي الصعوبات التي واجهتك في الرحلة للحُلم؟
=أنا يعتبر لسه موصلتش للحلم فانا حاليا في بداية الرحلة واجهت صعوبات كتير ولسه هواجهه أكتر
منها فقدان الشغف و ضغط و عدم تقدير لمجهودي وتعب وحقد وهكذا
_كيف تتعاملين مع موهبتك كي تُنميها؟
=بقرأ كتب دراسات أدبية، وببحث عن معلومات ومرادفات ف اللغة العربية، وبحاول وقت فراغي اقرأ كتب مش شرط روايات ممكن في أي مجال تاني سواء قانون او ادب او حتى علم نفس .
_ يمكن أن تشاركنا شيء مِن كِتابتك؟
=
"سجينة الذكريات"
عندما يحين وقتُ النوم وأضعُ رأسي على الوسَادة، تبدأ الصِراعات في داخلي.
أتذكر كل الأوقات التي سقطت فيها ومُحاولاتي العديدة للنجاة من سلسلة الخيبات التي أصابتني .
أصبحتُ مُتعبة من هذا الواقِع وأرغب في التحرر من تلك الأفكار المُؤلمة.
أرغب في أن أستريح في النوم دون أن أتورط في تلك الصرَاعات المُزعجة.
لا أرغب في أن أتذكر الخيبات والأحلام التي لم تتحقق، والأشخاص الذين تركوني.
أشعر أنني أسيرة للماضي وذكرياته.
مَتى سَيتم الإفراج عني؟ مَتى ساتخلص من ذلِك الأسر الذي كاد ان يُهلكني؟.
بقلم/ مريم أشرف
_ هل لديك أي مواهِب أُخرى؟
=اه الطبخ وعمل تورت وتزينها وهاند ميد ورسم على قدي كده وبعمل ميك اب حلو
_ هل تظني أن الموهبة وحدها تكفي للنجاح؟
لا الموهبة مع السعي زي الترويج وزي مابيقولو لازم تحفر ف الصخر عشان تنجح وتوصل اصل ممكن تكون كتباتك حلوة اوي بس مبتروجش لنفسك فبالتالي النجاح مش هيجي . موهبة + صبر +إلمام بقواعد اللغة ومصطلحتها وده من خلال القراءة +سعي =نجاح بإذن الله وفي الأول والآخر التوفيق من عند الله
_ من وجهة نظرك كيف يتعامل الكاتب مع أي نقد يوجه له؟
=لو النقد بناء يلتفت ليه وياخدة بعين الإعتبار فلو فعلا طريقة سردي مثلا مش الطف حاجة وقتها اطور من نفسي اصل محدش هيعرف نقاط ضعفه ويقويها الا لو حد لفت نظره ليها
اما لو النقد هدام ومش في موضغه الافضل هو عدم الالتفات له وكانه متقالش اصلا ومنخلهوش يأثر علينا ولا على شغفنا ف الكتابة
_ ما هي الرسالة التي تودين توصيلها من خلال تجربتك؟
=أحب أقول لكل كاتب مبتدأ افضل أكتب متياسش حتى لو هتقعد سنين بتكتب ومش لاقي نتيجة متيأسش واوعى ثم اوعى إنك تستسلم للفقدان الشغف لانه قادر يمحي موهبتك ويدفنها
أنت قدها وهتقدر في يوم توصل
_تحبي تقولي ايه للجريدة ؟
=أشكرها جدا على الحوار الجميل ده
وبالتوفيق ليها وللجميع
الصحفية شهد إبراهيم عطا
مؤسسه الجريدة الكاتبةإنچي أحمد
تعليقات
إرسال تعليق