حوار صحفي مع الكاتب المبدع زياد أحمد
حوار صحفي مع الكاتب المبدع زياد أحمد محمد
_ما هو اسمك؟زياد أحمد محمد
_دراستك ؟كلية تجارة جامعة القاهرة فرقه رابعة
_من أي مُحافظة أنت؟ القاهرة
_متي بدأت الكِتابة؟ بدأت الكتابة و كانت أول قصيدة ليا
_ما هي أهم صِفات الكاتب مِن رأيك؟قدرته على توصيل المعني في كلامه بالذات لو شاعر كمان لازم يتمتع بالإحساس عشان يوصل كل كلمة للناس.
_ما هي خِططك المُستقبلية؟نفسي الفترة إلى جاية اتعرف أكتر و الناس تحب كلامي و تردده و اقف على مسرح ساقيه الصاوي .
_ماذا تُمثل لك الكِتابة؟.الكتابة أصبحت بالنسبة ليا صديق اقدر اعبر فيها عن كل حالة وكل موقف بعيشه .
_ما هي أنواع الكتابة المُفضلة لك؟انواع الكتابة إلى بحبها باللغة العامية لأنها بتكون سهلة توصل لكل الناس مع اختلاف الاعمار .
_من أول شخص كان ومازال داعِم لك؟ اول حد ساندي فى مشواري هو ربنا ثم أبويا و أمي و عليتي ليهم فضل عليا كبير مقدرش أنكره.
_ما هي أهم إنجازاتك؟ إنجازاتي مش كتير بس الحمد لله عملت ١٠ حفلات فى فترة صغيرة فى القاهرة و كفر الشيخ و كلية تجارة بجامعة القاهرة و الحمدلله رد فعل الناس فى كل مرة هو إلى بيديني حافز أني أكتب أكتر ، وحصلت على العديد من التكريمات.
_ما هي الصعوبات التي واجهتك في الرحلة للحُلم؟ اى حد مننا لازم يقابل صعوبات في طريقه و يلاقي ناس تحبطه و أنا قابلت كل ده و حاولت احول الطاقة السلبية لطاقة إيجابية و اكمل كتاباتي و فى الاول و الآخر هي اراء و أنا بحترمها .
_كيف تتعامل مع موهبتك كي تُنميها؟علشان أنمي موهبتي لازم القراءة الكتير بالذات فى الشعر ولازم اتمتع بصور خيالية وإحساس و عشان اقدر اوصل كل كلمة بقولها لاى حد بيسمعني .
_ يمكن أن تشاركنا شيء مِن كِتابتك؟ديه حاجة من كتاباتي من قصيدة جنة الأرض
السند والصاحب والبيت
وأنت ي ابويا عكازي اللي سندت عليه فى الدنيا و اتكيت
أنا ابويا سندي و ضهري و الحاجة الحلوة فى ايامي
اكتر واحد يستاهل يخلص فيه كل كلامي
ومهما هكتب فيك كلام الدنيا ميكفيش
وهفضل اكتبلك على قد ما يديني ربنا من العمر و اعيش
مين زيك عايش عمره رياضي فيا
ومين قدك فى الدنيا عدي حدود حبك ليا
مين لو تعبان والبرد فيا شد شوية
الاقيه سهران الليل و لا تغمضله عين وبأيده يطبطب عليا
أكتر واحد شوفت معاه الحب بمعناه
وأكتر واحد كان يستخسر في نفسه الحاجة
لو نفسي فى حاجة ميستخسرش
الدنيا بما فيها عادى تتعوض
بس انت يا ابويا متتعوضش .
_ هل لديك أي مواهِب أُخرى؟ موهبتي الأولي الرسم من صغري بحب الرسم و كنت بدخل مسابقات زمان تبع المدرسة .
_ هل تظن أن الموهبة وحدها تكفي للنجاح؟الموهبة شئ اساسي ربنا بيوهبها لصاحبها ولازم يعمل على تنميتها و هي مصحوبة بإحساس بالذات فى مجال الشعر بيكون ده سبب فى تحقيق نجاح كبير .
_ من وجهة نظرك كيف يتعامل الكاتب مع أي نقد يوجه له؟ من رايي لأي كاتب يواجهه نقد يتقبله لو كان صحيح و مقتنع بيه غير كده لو نقد سلبي لازم يحوله لطاقة إيجابية ويكمل طريقه و مفيش حاجة توقفه .
_ ما هي الرسالة التي تود توصيلها من خلال تجربتك؟نفسي اقول للناس حبوا بعض بجد احنا انهاردة موجودين بكرة مش موجودين عايزين الفرحة تجمعنا من تاني روحنا الطيبة ترجع السوشيال ميديا بقت مفرقة كل الأسر و ديه حاجة نفسي تتصلح لمه العيلة و لأسرة بتاعت زمان وترجع تاني و افتكر أن الدنيا بتتعاش مرة واحدة فسيب أثر حلو يكون سبب أن حد يدعيلك بيه و حبوا الخير لبعضكوا محدش بياخد رزق حدكل واحد ورزقه هيجيلوا لحد عنده بس احنا عايشين فيها .
_تحب تقول ايه للجريدة ؟و فى الاخر بحب أشكر الجريدة على اللقاء الجميل ده واتمني النجاح و التوفيق ليكوا جميعا.
الصحفية شهد إبراهيم عطا
مؤسسه الجريدة الكاتبةإنچي أحمد
تعليقات
إرسال تعليق