حوار صحفي مع المبدعة ياسمين فاروق
في البدايه حابين انك تعرفينا بنفسك؟
الاسم:-ياسمين فاروق أمين.
اللقب:-زمردة.
السن:-19سنه.
المحافظة:-الغربية. الموهبة:-الكتابة/الرسم.
السنة الدراسية:-فرقة تانية كلية تجارة.
اكتشفتي موهبتك ازاي او مين اكتشفها عندك؟
_بدايتي مع الكتابة كانت بقراءة القصص والروايات، وبعد كدا حبيت إني أتعلم أكتر وأجرب ويكون ليا كتابات أنا كمان، وبالفعل بدأت أتعلم الكتابة مع تيم شاطر جدا ومن هنا بدأت، ومن قبل م كنت أشوفها موهبة أنا بشوفها هواية وعلشان كدا حبيتها اكتر .
اذكري حاجة انتي كتبتيها؟
"عتاب دون جدوى"
_ماذا حل بي؟
آلهذه الدرجة أصبحت احزن على فقدانك؛ أم أنا حزينة على إبتعادك؛ أم على تحطيم قلبي بعدما جعلتني أشعر بكل هذا الكم من الحزن، أصبحت فقيدة للأمل، وفقيدة للحياة أيضًا، آلهذه الدرجة أحبك؟!
نعم وكيف لم احبك، اتذكر دائمًا عندما كنت آراك أمامي وتتلاقى أعيننا حينها كنت أشعر بالسعادة، وتزداد نبضات قلبي مُعلنةً عن فرحتها اقسم أنني كنت أخشى أن يتوقف قلبي، نعم كنت متيمةٌ بك، فكيف لم أحبك إذًا..
ايه الاعمال اللي قدمتيها لحد النهارده لموهبتك؟
_كتاب 'رذاذ أحرف'
_وفي اربع كتب كمان لم يتم الإعلان عنهم.
وبتنمي موهبتك ازاي؟
_إني اقرأ أكتر، وأتعلم أكتر من أصحابي في مجال الكتابة، واشارك معاهم سواء في أيام النشر على مستوى الكيان أو المشاركة في مسابقات.
اكيد ليكي حد قدوه او بتتعلمي منه في مجالك سواء من الجيل القديم او الجديد؟
_إبراهيم الفقي.
اكيد واجهتي انتقادات كتير ازاي كنتي بتواجهيها وبتتخطيها؟
_أكيد طبعا بس مكنتش بزعل بل بالعكس كنت بطور من نفسي اكتر.
اثناء مشوارك الكبير دا لموهبتك اكيد حد كان بيدعمك؟
_في بعض من أصحابي، وأستاذي طبعا 'ا/أحمد العازب' اللي مستحيل انسى دعمه ليا.
بتفكري ف حاجه تعمليها الفتره الجايه؟
_حابه يكون ليا كتاب فردي خاص بيا واتعلم انواع جديدة من الكتابة ودا اللي أنا بعمل عليه حاليا.
تحبي تنصحي اي حد عنده موهبه بايه؟
_في ناس كتيرة هتقلل من موهبتك أو تقولك دا شيء مش هيفيدك بس متتأثرش بكلامك وكمل الحاجة اللي أنت بتحبها وطور من نفسك وأعرف إن نجاحك هيكون الرد على كلامهم.
تحبي تقولي حاجه او تزودي حاجه اخيره؟
_اي حد عنده موهبة مهما كانت طور نفسك فيها وانجح، واخر حاجه بشكر حضرتك طبعا.
كتبت الصحفيه مريم وحيد
مؤسسة الجريده الاستاذه انجي احمد
تعليقات
إرسال تعليق