حوار صحفي مع الشاعر محمود
في البدايه حابين انك تعرفنا بنفسك؟
_انا الشاعر محمود شاعر وكاتب حر من مواليد محافظه القليوبيه
اكتشفت موهبتك ازاي او مين اكتشفها عندك؟
_من وانا صغير وانا بحب القراءه والكتابه وكنت بكتب خواطر وقصص قصيرة وروايات وشِعر وكنت ديما بكتب خواطر ولما لقيت الناس بيعجبها كلامي الي بكتبه وبياخدوه عندهم ف اكيد كانت حاجه فرحتني واتعلقت بعدها بشعراء كتير زي عبد الرحمن الأبندودي وامل دنقل و فؤاد حداد واحمد فؤاد نجم وصلاح جاهين وسلكت من وقتها طريق الشعر فقط ومبقتش اكتر حاجه غيره غير خواطر بس دا بقا كل فين وفين
ايه اسم اول قصيدة كتبتها وممكن رباعيه منها؟
_ اسم اول قصيدة كتبتها كانت اسمها ذات ودي مكانتش طبعا بنفس القوه زي بتاعت القصايد الي بكتبها دلوقتى
ودا جزء منها {محتاج افرح
وناس بيا كتير تهتم
مش وسط غابة وحزن وهم
اكون وسط ناس بتحبني
وصحبه تلمني
واحسن وسطهم ب امان }
ايه الاعمال اللي قدمتها لحد النهارده لموهبتك؟
_عملت حفلات كتير ف اكبر مسارح ف مصر ف القاهره واسكندرية وغيرها واشهر المسارح الي عملت حفلات عليها كانت ساقيه الصاوي ومسرح عبد المنعم جابر ف اسكندرية وفي حفلات بقا كتير تانيه كنت فيها ك ضيف شرف وعملت ديوان اسمه لشخص غائب
وبتنمي موهبتك ازاي؟
_بنمي موهبتي طبعا بالقرأه كتير ك تغذية افكار . و بكتب ديما الي بحسه بس او الحاجه الي بعيشها مش بكتب كلام مصتنع لان في فرق بين الي الواحد حسه وانه بيصنع قصه من الوهم يكتب فيها
اكيد ليك حد قدوه او بتتعلم منه في مجالك سواء من الجيل القديم او الجديد؟
_ زي مقولت من شويه ان الناس الي قدوتي هما الابنودي وصلاح جاهين وفؤاد حداد واحمد فؤاد نجم وصلاح جاهين بحب ديما اقرألهم
اكيد واجهت انتقادات كتير ازاي كنت بتواجهه وبتتخطاها؟
_انا من النوع الي مش بشغل دماغي بحد وزي ما اكيد في ناس بتحبي في ناس مش بتحبني ف مش بيشغلني المهم اني راضي عن نفسي وعن الي بكتبه حتي لو مبقاليش حد يحبني ف كفايه بكتب الي بحسه ومؤمن
اثناء مشوارك الكبير دا لموهبتك اكيد حد كان بيدعمك؟
_شويه من اهلي وشويه صديق ليا بس عمتا مفيش حد بيدعم حد غير نفسه وان الواحد يكون مؤمن بنفسه
بتفكر ف حاجه تعملها الفتره الجايه؟
_ لا انا مش بفكر انا فعلا بعمل حاجة جديده . هو اني اخد ريست وبريك عن العالم المؤذي دا واعيش شويه مع نفسي واراجع حسابات كتير ليا لان الايام هلكت الواحد
تحب تنصح اي حد عنده موهبه بايه؟
_بتمني ديما من اي حد عنده موهبه ف انه يستغلها في المكان الصح ويشتغل ع موهبته وانه يكون عنده ايمان بنفسه ومش يشغله رأي حد سواء سلبي او ايجابي المهم ميركزش مع حد يركز بس مع نفسه نفسه وبس لان دا الي هينجحه
تحب تقول حاجه او تزود حاجه اخيره؟
_ احب اوجه كل الشكر والتقدير والأحترام لكل الناس واي حد هيقرأ المقال دا واتمني اكون ضيفت حاجه لأي حد حتي لو ١ % وشكرا جدا .
كتبت الصحفيه مريم وحيد
مؤيسة الجريدة
الاستاذه انجي احمد.
تعليقات
إرسال تعليق