حوار صحفي مع الكاتبة المبدعة آية محمد

اسمك؟ آية محمد 

دراستك؟ كلية حقوق جامعة حلوان 

محافظتك ؟ الجيزه 

متي بدائتي الكتابة؟ منذ طفولتي 

اهم صفات الكاتب من رائيك؟

ان يكون بينتقي كلماته ويشوف اي مناسب واي لا وبحب فكره ان الكاتب يكون حاسس كل حرف بيكتبه او من واقع تجربته ب حاجه معينه بيكون مؤثر جدا وكتابته تكون هادفه يعني بتتكلم ف حاجه يقدر يفيد بيها أكبر عدد من الناس ويكون ديما بينمي موهبه الكتابه عنده ويطور منها ويقرأ اكتر عشان يقدر يعرف اكتر حاجات ويقدر يعبر عنها ب رأيه

اي خططك المستقبلية؟ ان يكون ليت أعمال كتير سواء مجمع او فردي طبعا ودا اللي شغاله عليه بجانب خطط تانيه ف شغلي وغيره وان أكون مدربه تنميه ذاتيه واسبيكر ف أماكن كتير مختلفه 

الكتابة بتمثل ليكي اي؟

 حقيقي هي بيتي التاني اللي بلجأله لما احب افضفض مع حد بحسها شخص بيسمعني اووي لما احب اوصف شعور او حاجه او اتكلم مع حد ويريحني مبلاقيش غير الكتابه

ما هي انواع الكتابة المقربه ليكي؟ بحب اكتب خواطر واسكريبتات وسيره ذاتيه بردو 

من أول شخص كان ومازال داعم ليكي؟ 

حقيقي ناس كتير اولها شركتي planB بكل شخص فيها حرفيا سواء ابلاينز او كوتشيز او ليدرز حته الاداره حقيقي المكان دا سبب حاجات كتير اووي وصلتلها ولسه هوصلها ف الفضل الأول ليه بعد ربنا 

غير بقا صحابي المقربين واللي مهما اتكلمت عن كل شخص ف هما حقيقي كلهم كانوا داعم كبير ليا 

وأهلي اللي لولاهم مكنتش هوصل ل شئ

 

 واخيرا لشخص كان ومازال بالرغم غيابه سبب ف حاجات كتير حلوه حصلتلي

ما هي اهم أنجازاتك؟ حاليا ليا ٣ أعمال مشاركه فيهم كتابين خواطر مشاركه فيهم وهما (أميتا ،مابداخلك)

وكتاب مجمع بردو بس المره دي تحت اشرافي كاملاً وحقيقي مبسوطه بالخطوه دي وان مختاره كل حاجه فيه بنفسي الاسم والغلاف وكل حاجه حرفيا 

اسمه (ركن هادئ) وبالمناسبة الاسم دا وراه حكايه معبره عن كل حاجه فيه مش مجرد اسم عادي وهيكون ف معرض القاهره السنه دي في صالة 2 جناح A40

+مشاركه ف أعمال تطوعيه كتير وكمان تيم ليدر في شركهplanB وبقدم محتوي هادف يقدر يفيد الناس أن تحقق اهدافهم وبساعدهم ازاي يشتغلوا علي دا ايا كان اي الهدف وخلصت كورسات كتير ف مجالات مختلفه منهم بيزنس ،تنميه ،it ،ميكروسوفت، لغات وغيرهم كتير من المجالات +الكتب بقا قرأت اكثر 200 كتاب خلال آخر سنتين

ما هي الصعوبات التي وجهتك؟ 

واجهني حقيقي صعوبات كتير واكتر حاجه كنت بقابلها الرفض ان الناس تكون رافضه الحاجه اللي بتعملها او ان يكون ف ناس ديما بتنتقدك وبتشكك ف نفسك واللي بتعمله او ان يستهزئوا بيك وب أحلامك وطموحاتك وناس كل شغلهم يوقعوك بس طول الوقت بحاول متأثرش واحط هدفي قدامي واتوكل ع الله واشتغل عليه كويس لأن اكتر حاجه هتخلي الناس دي تسكت هي وصولك للهدف دا او ان تكون ف مكانه كبيره 

 كيف تتعامل مع موهبتك كي تُنميها؟

بطور من نفسي اقرا كتب كتير ،اشوف فيديوهات مهمه ،او حته احضر كورس حقيقي التطوير بيفرق جدا مع ان ديما بكتب ف بلاقي ديما بطلع الافضل بتطبيق اللي اتعلمته او اتعلم من كتاب مثلا صيغه حاجه معينه بتشد ف كتاباتهم ف ببدأ من هنا احسن كتابتي

فكرة اخد من خبرات دا بيفرق جدا

شئ من كتابتك؟ 

"إلى ركني الهاديء الذي كُلما شعرت بالملل من العالم بأكملهِ وفقدت الرغبة في الخروج مرة أخرى من عتبة غرفتي، وانتهى بيّ الشغف في كل شيء؛ فلا أهتم كثيرًا أن كنت مهزومًا أو منتصرًا فالأهم هو أن أرتاحُ قليلًا من ذلك الضجيج الملعون المتواجد داخل عقلي والصراعات المُحاط بها، ففي تلك اللحظات أبحث عن ركن هاديء يتسعني، أعتقد بأن جميعنا يمكن أن يكون له ركن دافيء، ثابت، يلجأ إليه كُلما فاجئته الحياة بصفعة جديدة، يحتاج إلى ركن يجعله لا يشعر بجميع ضغوطاته، أنه فقط يريد أن يتنفس بحرية بالصراخ، البكاء أو حتى الرقص والضحك دون أسباب لكل هذا، دون أن يبرر تلك الأفعال، فجأة يشعر أنه متعب للغاية فيتمنى الهروب من كل شيء حوله، أصدقائه، أهله، أحبابه، وكل العالم، أو يهرب حتى من ذاته .

ل آية محمد

من كتاب ركن هادئ 

هل لديك موهبه اخري؟  

نعم تدريب ف مجال التنميه ، ورسم ،القراءه وغيرهم 

هل تظن أن الموهبه وحدها تكفي للنجاح؟

لا لأن ممكن يبقا في موهبه بالفعل بس الشخص دا ميقدرش ينجح لانه مشتغلش علي موهبته دي بشكل صح او مطورش من نفسه فيها مخدش خطوه او اكشن ف حاجه يستغل فيها موهبته ف لازم ان الشخص يجرب حاجات كتير تفيده انه يطور من موهبته وينميها ويحاول مره واتنين وعشره عشان يقدر ينجح لأن لو الموهبه بس كان زمان كل الناس نجحت ولكن في بعض الناس بس هي اللي بتنجح ودا السبب ان في شخص بيفتكر ان موهبته كل حاجه بالعكس ممكن شخص يكون مش موهوب ف حاجه ويدرسها ويتعلم فيها كويس وينجح فيها جدا

 من وجهة نظرك كيف يتعامل الكاتب مع اي نقد يوجه له؟ 

ديما باخد أي نقد بالتقبل وعلي انه حاجه تساعدني ان اوصل او ان احسن من الكتابه او الحاجه اللي بعملها عموما لأن لو فضلت اركز ف النقد واخده انه حاجه بتأذيني عمري ما هوصل لشئ

ما هي الرساله التي تود توصيلها من خلال تجربتك؟

رسالتي لكل شخص جرب وحاول وافشل وقوم وقع وقوم وجرب وحاول تاني لأن في النهايه هتوصل طول منتا بتحاول ومصدق نفسك وحلمك وان مهما الناس قالت انك مش هتقدر ف أنت تقدر بالمحاول لأننا مطالبين ديما بالسعي ومفيش حد بيسعي الا وربنا بيكرمه 

حط ديما قدامك جملة "وليس للإنسان إلا ما سعي وأن سعيهُ سوف يري".

اذا طلبت منك وصف المؤسسة لكي تلفت نظر العالم إليها وتبقي اقرب للقلوب ماذا ستقولين؟

انها مؤسسه ذات هدف سامي وهو مساعده كل شخص لكي يظهر موهبته بدون أي شروط او تقيد هدفها تساعد الناس يوصلوا لعدد أكبر ودي حاجه مهمه جدا ف حقيقي كل الشكر لدعمهم للمواهب

مؤسسه الجريدة/ الكاتبة انچي أحمد

الكاتبة الصحفية/ مي شريف