حوار صحفي مع الكاتبة المبدعة جونير ملاك ابراهيم
اسمك؟ جونير ملاك ابراهيم
محافظتك؟ المنيا
دراستك؟ ثانوي عام " تانية ثانوي"
متي بدائتي كتابة؟ بكتب من و انا ف رابعة ابتدائي تقريبا لاكن كان كلام ليه عادي من غير قافية او وزن و المعني مكنش احسن حاجة لاكن البداية الفعلية ليا من سنتين
من قدوتي؟ مليش حد معين قدوة لان مجال الشعر بالذات محدش بيفضل فيه ع الساحة دايما لاكن دايما بحاول اطور من نفسي اكتر و انمي موهبتي
ما هي انواع الكتابة اللي بتكتبيها؟ بكتب شعر
من هو اول شخص كان و مازال اول داعم ليكِ؟ اول داعم ليا اسرتي طبعا و بابا و ماما و اخواتي و اصحابي و المدرسين بتوعي
ما هي اهم انجازاتك؟ _6 مليون و 300 الف مشاهدة للقصايد بتاعتي ع التيك توك
_23, 500 متابع ليا ع الفيسبوك
_32,700 متابع ع التيك توك
_قصيدة ملخص السنة عدت المليون مشاهدة ع الفيسبوك
_49,811 مشاهدة للقصايد بتاعتي ع انستجرام
_12700 متابع ع الفيسبوك
_نزول قصايد ليا ع موقع sm3ha
_التصعيد ف مسابقة نجوم التاسعة ع مستوي الجمهورية مع الاعلامي يوسف الحسيني ع القناة الأولى
_حفلة لأول مرة خارج المنيا ع مسرح المدينة المريمة _المقطم _القاهرة
_مكالمة هاتفية ع قناة ctv برنامج من يجدها
_لقاء ف قناة صوت مصر
ما هي الصعوبات اللي واجهتك؟ الصعوبات كانت السن الصغير مكنش عندي كم الكلامات ال تساعدني اقدم حاجة متميزة لاكن بالممارسة طبعا بقيت بكتب احسن كتير و كمان ان معظم ال بيكتبوا شعر عموما رجالة و كان صعب جدا اني اتثبت وجودي وسط ساحة كلها رجالة
دعينا نتخيل ان موهبتك العظيمة هي طفلتك المدللهَ اخبرينا كيف تتعاملي معها كي تُنميها؟ بنميها بالقراية الكتير و بسمع قصايد لشعراء كتار جدا و بحاول دايما اطور من نفسي و اقدم الافضل
شئ من كتاباتك؟ اكتب عن ابويا و لا عن ابويا ميتكتبش
بحاول اوصفه و اهدي حبي ليه ف قصيده
لكنه مبيتوصفش
ابويا القسوه و الحنيه
ابويا الايد ال متبته ف ايديا
و لا عمرها ف يوم تسيب
ايويا الاخ و الصاحب و الحبيب
عن حد ماشيه بسيرته ف الشارع راسي مرفوعه
عن حد يسألني انتي بنت مين
فرد ف فخر انا بنت ابويا
اكتب عن مين!!
عن ال قدامه الشعر يتراجع و الكلمات متتكتبش
عن اللي شايلني ف وقت الناس مبتشلش
عن ضهري و سندي ف الدنيا
عن انا ال انا بدونه مسواش حاجة
و بيه و بوجوده انا قد الدنيا
عن فرحتي لما اشوف اسمه بيرن ف تليفوني
انا ابويا ال مقويني بوجوده
و من غيره مش هتشوفوني
ابويا الستر
بيحارب بدالي بكل سكوت
اسمه شرف اسمي
ف يارب احفظه ليا لحد ما اموت
عن اكتر حد بينكشي
و اكتر واحد حافظ تعبيرات وشي
ابويا شايل ضهري المتكسر
مقويني و كتفه عمره ما يقصر
شايلني بمشاكلي و همومي و بلاقيك كل ما احتاجك
هفضل طول عمري شايله فوق راسي تاجك
ي سيد الكل و سيد الناس
ي ال بيك كل مشاكلي بتداس
من غير حبك الدنيا تجف من الحب
انا بدعي كل يوم و بصلي خليهولي ي رب
هل لديك موهبة اخري؟ لاء معنديش حاجة غير الشعر
ما الذي تريدين تحقيقه في المستقبل؟مش بحلم يكون ليا مكان وسط الكبار فمجالي عشان مجالي ملوش كبير و محدش هيفضل ع الساحة دايما لاكن دايما بحاول اطور من نفسي و اقدم الافضل
هل تظني ان الموهبة وحدها تكفي للنجاح؟ اه طبعا الموهبة تكفى للنجاح لاكن لازم معاها تنمية و سعي مستمر
من وجهه نظرك كيف يتعامل الكاتب مع اي نقد يوجه له؟ لازم طبعا يتقبله بحب و انه يحاول يكون احسن
كا هي الرسالة اللي تودين توصليها للكتاب المبتدئين؟ حابة اقولهم انهم لازم يكملوا و ينموا موهبتهم و يستمروا و ينجحوا و يستغلوا موهبتهم
مؤسسة الجريدة الكاتبة إنچي أحمد
ك/ الصحفية مي شريف
تعليقات
إرسال تعليق