حوار صحفي مع الكاتبة المبدعة ايه محمد أبو المعاطي
اسمك..
آيه محمد أبوالمعاطي
دراستك ..
دراستي كلية التربية قسم البيولوجي
محافظتك..
تبع محافظة الدقهلية
متي بدأتي الكتابة؟
بدأت الكتابة من سن صغير أوي، مكنتش أعرف ان دي موهبة لا كنت مفكراها حاجه عادية وعند الكل اي حاجه كانت تيجي في بالي كنت اكتبها لحد ماعرفت انها موهبه وبدأت انمي مهاراتي فيها واكتب اكتر
اهم صفات الكاتب من رائيك؟
الكاتب اهم حاجه تبقي فيه انه يكون صبور وعنده قبول لكل الاراء اللي حواليه لان طبعا مش كل حاجه هيكتبها تعجب الناس والعكس
اي خططك المستقبلية؟
حاليا الخطط متوجهه نحو الكاتبة وبطتلع للاحسن دايما وكل مرة يتم اصدار روايه اروع م اللي قبلها إن شاء الله
الكتابة بتمثل ليكي اي؟
الكتابه بتمثلي الصديق والمخرج والملجأ اللي بلجأله وقت ماابقي مديقة او حزينه او حتي فرحانه وذا بينعكس علي كتاباتي يعني وانا فرحانه كل كتاباتي بتوحي بكدا وانا حزينه نفس الشئ ولكن ساعات لو عايزة اكتب حزين اتقمص الدور واكتب كدا والعكس اما ابقي حزينة وعايزة اكتب حاجه فيها فرح ( يعني بكتب اللي بحسه)
ماهي انواع الكتابة المقربة ليكي؟
اكتر الكتابات اللي بحبها الفانتازيا والخيال العلمي اللي بيوصل رسالة معينه ودا اللي كتاباتي بتتجه نحوه
من اول شخص كان ومازال داعم ليكي؟
نفسي اللي بستقوي بيها وأهلي لما عرفوا اني بكتب كانوا اول من ساعدوني ووقفوا جمبي
ما هي اهم انجازاتك؟
انجازاتي الكتابيه كانت في "البلاليما" و"أفارتا" دول كانوا اول قصتين الكتروني اكتبهم وحاليًا "تُمطر بشر" الإنجاز الاكبر وبتمني يوصل لاكبر عدد من القراء عشان يستمتعوا ويستفيدوا بيه ومنه
ماهي الصعوبات التي وجهتك؟
وجهني صعوبات كتير جداا ومازالت بس الاهم ان الانسان مايستلمش ليها ومايخليهاش تأثر عليه
كيف تتعامل مع موهبتك كي تُنميها؟
بقرأ كتير واكتب اقرأ كل مايجي في دماغي افكار اكتبها لحد ماانميها واوظفها كويس
شئ من كتاباتك؟
شئ من كتاباتي...
يصفُني الجاهل بحُمقهِ، وأنا بحكمتي أتجاهلهُ
لم تَكُن فتاة عادية أبدًا ..
كانت أشبه بحواديت الكارتون، مثل حقبة الستينات، فتاة من العصور القديمة في ازدهارها، لحن عود في فيلمك المُفضل، تجعلك عينيها تُبحر في أعماق المُحيط عند تأمُلها، تصل إلي عنان السماء بين ثنايا حديثها، تجعلك تؤمن بأنها حدث فلكي لا يأتي إلا مرة واحدة في العُمر، كانت هي من جعلتني أثق بي، أؤمن بي، من جعلتني أُحبُني
كتاباتي ذي ماشوفتي متنوعه مابين الخواطر والغزل والاقوال المأثورة والواقع اللي بنعيشه بالاضافة للروايات
هل لديك موهبة آخري؟
ايوه عندي مواهب تانيه ذي التصوير والقاء الشعر
هل تظن أن الموهبة وحدها تكفي للنجاح؟
لا الموهبه مش كافية للنجاح الموهبه الطريق الاول للنجاح والاهم ازاي اوظفها وانميها صح عشان توصلني للنجاح الباهر والامثل
من وجهة نظرك كيف يتعامل الكاتب مع اي نقد يوجه له؟
- ان كان نقد بناء فلازم يشوف اي اوجه القصور عنده ويعالجها وان كان هدام فيتجاهله ومايدلوش اي اهتمام عشان فيه ناس كل مصلحتهم في الحياة يتعبوا اللي حواليهم بس
ماهي الرسالة التي تود توصيلها من خلال تجربتك؟
الرساله اللي عوزاها توصل للناس انهم مايستسلموش ويحاولوا عشان حلمهم بالاضافة للقيم اللي بضيفها في رواياتي عشان الناس ماتتخلاش عنها مع الحبكة والسياق
اذا طلبت منك وصف المؤسسة لكي تلفت نظر العالم إليها وتبقي أقرب للقلوب فماذا ستقولين؟
بشكرها جدا علي الحوار الممتع وبتمني نوصل لهدفنا
مؤسسه الجريدة/ الكاتبة انچي أحمد
الكاتبة الصحفية/ مي شريف
تعليقات
إرسال تعليق