حوار صحفي مع الكاتبة المبدعة اسماء محمد
_اسمك؟ اسماء محمد شعبان
_لقبك؟ بيقولولي ياسومه او سمسم
_محافظتك؟البحيرة
_دراستك؟نظم ومعلومات
_متى بدائتي كتابه؟ من سنتين
-من إكتشف موهبتك وكيف؟ مفيش حد أنا كنت بكتب دايمًا من ايام ما كنت صغيره من سته إبتدائي كده بس منشرتش كتاباتي غير من قريب
_من قدوتك؟مفيش حد معين بس لو في الكتابه فأنا بحب حنان لاشين وأحمد خالد توفيق والعالم مصطفى محمود
_ماهي أنواع الكتابه التي بتكتبيها؟ بكتب بتنوع مش ثابته، بكتب نصوص وخواطر وحكايات وشعر وإن شاء الله الفتره الجايه هكتب مقالات.
_من أول شخص كان ومازال داعم ليكِ؟ بابا وماما من ساعة ما بدأت أكتب وهما بيدعموني وطبعًا بعض الأصدقاء
_ما هي أهم إنجازاتك؟ عملت كتابين مُجمعين، نسمات عابرة،تنيبريس
_ما هي الصعوبات التي واجهتك؟ زي أي شخص طبيعي لازم يكون حواليك ناس مش مؤمنه باللي بتعمله وبتحبطك بس المهم إني مكمله.
_ما هي الكيانات التي تتواجدين فيها؟ كنت في كذا كيان، بس حاليًا مفيش.
_شيء من كتاباتك؟أطلقت العنان لشعرها الأسود الغجري،
إرتدت بيچامتها المزدحمة بالرسوم الكرتونية،
زينت عيناها بالكحل الأسود،
فإمتزج مع شعرها الداكن وكأنها ملكة جمال
وقفت في شُرفت غُرفتها،
وهي تستمتع بكوب دافئ من الشاي
تتنفس بهدوء تام، وتُدندن تارة
وتبتسم تارة أخرى،
فاليوم هي قررت أن تبدأ من جديد
بروح جديدة، وقلب ترك الناس وأعبائهم
وتعلق بخالقهم فقط
ارتشفت عدة رشفات بإستمتاع،
من الأن ستخوض حربًا هي الطرف الأقوى فيها.!
_هل لديك موهبه اخرى؟ التصوير بحب التصوير جدا جدا
_ماالذي تريدين تحقيقه في المستقبل؟ عاوزه اعمل طبعاً كتاب مُنفرد ويكون فيه قدر كافي من المعلومات ومُفيد، وطبعًا في حاجات كتير.
_من وجهة نظرك كيف يتعامل الكاتب مع أي نقد يوجه له؟ بلاش يستسلم للكلام السلبي طول ما هو صح ويكمل ويعرف اكتر ويثبت نفسه ووجوده.
_ما هي الرسالة التي تودين توصيلها للكتاب المُبتدئين؟ والله أحب أقول إن مع الوقت بتتعلم حاجات اكتر وبتفهم في اللغه العربية أكتر وطبعًا معلومات اكتر، وكملوا وابحثوا وان شاء الله نتوفق جميعًا.
مؤسسة الجريدة الكاتبة إنچي أحمد
تعليقات
إرسال تعليق