حوار صحفي مع الكاتب المبدع شهاب الدين

اسمك؟ شهاب الدين

لقبك؟ مليش القاب ثابتة لكن اتقالّي قبل كده [ شاعر الغلابة - شاعر الجنوب ]

محافظتك؟ قنا

دراستك؟ دبلوم تجارة 

متي بدائت كتابه؟ بدأت كتابة الشعر في بداية ٢٠١٧، وبدأت قصص بالظبط كانت اول قصة ٣/١١/٢٠٢٠، الخواطر من وقت قريب جدًا وهو ١/٤/٢٠٢٢

من اكتشف موهبتك وكيف؟ اكتشفتها امي وكنت برتجل شعر وكنت بعدي الموضوع كأن شيء لم يكن لحد ما امي قالتلي كده نصًا " اكتب اللي بتقوله ده في ورقة عشان متنسهوش " لحد ما كتبت أول قصيدة، بعدين سجلتها فيديو ونزلتها على صفحتي على الفيسبوك، وقتها لقيت دعم كبير من اهالي قريتي فـ استمريت

من قدوتك؟ هشام الجخ

ما هي انواع الكتابه التي تكتبها؟ شعر - قصص - اسكريبتات - ومؤخرًا خواطر

من أول شخص كان ومازال داعم ليك؟ امي وكان ابويا رحمة الله عليه ،وبعض افراد العيلة، وبعض اصدقائي

ما هي اهم إنجازاتك؟ محققتش أي انجاز يذكر لحد دلوقتي، لكن بعتبر تطوري من وقت للتاني ده انجاز

ما هي الصعوبات التي وجهتك؟ وفاة والدي رحمة الله عليه

ما هي الكيانات اللي تتواجد فيها؟ لا اتواجد في أي كيان

شئ من كتابتك؟ 

رغم الغياب لساكي محوطاني 

خيالي يرسمك علي حِطاني

خيطانك إتقطعت 

رغم إني لسه متبت في خِطاني

وترسمك أحلامي

 طفلة ساكنه جوه حضني

قلبي بيحلف في كل ثانية 

بإن فُراقك هو سبب حُزني

    

هل لديك موهبه اخري؟ غير اللي ذكرتهم لا

ماالذي تريد تحقيقه ف المستقبل؟ ان الناس تقرالي وكتاباتي تكون مؤثرة في المجتمع باذن الله

 من وجهة نظرك كيف يتعامل الكاتب مع اي نقد يوجه له؟ ياخد النقد كـ دافع ليه ويحوله من شيء سلبي لشيء اجابي، ومن وجه نظري ان النقد مطلوب لينا كـ كُتاب عشان نشوف سلبياتنا ونشتغل عليها ولو محدش انتقدنا مش هنشوفها، فـ بالتالي هنفتكر اننا كده صح ومش هنطور من نفسنا

ما هي الرساله التي تود توصيلها للكتاب المبتدئين؟ في بدايتك هتكون مش احسن حاجة، و ده الطبيعي، فـ هتقابل تريقة كتير، متخليش ده يأثر عليك او يهز ثقتك في نفسك او موهبتك، لا لازم تكمل ومتلتفش لكل ده لانك لازم تكون مشغول في الاهم من كل ده وهو ازاي تطور من نفسك وتوصل موهبتك لأعلى ليفل، وتحول التريقة لمدح وتحول النقد لاشادة بيك وتكون الكاتب المفضل لأي حد هاجمك

مؤسسه الجريده الكاتبه انچي أحمد حسن.

ليدر دينا السيد اشرقت أحمد.