حوار صحفي مع الكاتب المبدع محمد ربيع
اسمك؟
مُحمَّد ربيع سيد
محافظتك؟
بني سويف
دراستك؟
تمريض
متي بدائت كتابه؟
2016
من اكتشف موهبتك
وكيف؟
انا بنفسي، لما كنت بزعل اوي كنت بلاقي نفسي بكتب وبكدا بحس اني بعبر عن اللي جوايا
من قدوتك؟
النبي صلَّ الله عليه وسلم
ما هي انواع الكتابه التي تكتبها؟
بكتب شعر ونثر .. خواطر وقصص وروايات
من أول شخص كان ومازال داعم ليك؟
اهلي واصحابي عموماً
ما هي اهم إنجازاتك؟
شاركت في معرض القاهرة الدولي 2022 في كتاب مجمع اسمه "هجين"
ما هي الصعوبات التي وجهتك؟
لا كتير اوي مبعدش
ما هي الكيانات اللي تتواجد فيها؟
كتير برضو مش هقدر اعد
شئ من كتابتك؟
وَالله كِبرت ..
لأ وكمان عديت ونجحت
سِنَك زاد .. بس فـ نظري إنت صِغرت
تعرف يبني الدُنيا بطُولها !!
مش هتعيشها زي ما عيشت .. اتبهدلت
بس تهون الدُنيا عشانكم ..
فرحتي بيكم بتنسيني إني تعبت
أُمي بتعرف حُزني بعيني قبل ما بحكي تقولي عرِفت ..
حتى فـ قسوة صوتها حنين، لما تقولي إصحى يا زفت !!
ضحكها .. خوفها، أُمي أشوفها فـ احب الدُنيا بِكُل ظروفها ..
أُمي دي كون مليان لَمَعان .. أُمي دي تِهزِم دُنيا بحالها لو هتشوف إبنها متهان ..
أُمي دي صوت فيروز والست
أُمي بصوتها العالي بتنده، روح يا محمد كَلِّم خالك ..
سمع أصحابك قالوا "ميلادك" ..
وَالله كبرت يا واد قدامي ..
كل أخواتك شلت عيالهم، إمتى هشيلك برضو عيالك ؟!
طب فكرني وقولي سؤالك ..
عاوز تورته !!
نيلة بختك يا ام محمد، هبل العيله راح لولادك ..
فـ تجبهالي وتقطَّعها .. لا وتقولي كمان طلعها ..
ولا عاوزني اوزعهالك ..
فـ تفرحني ..
حضن عيونها لوحده كفايه ..
أُمي دي آيه ..
أُمي تخفِف كُل أخزاني ..
لو هتشيلها بس معايا
- مُحمَّد رِبيع
هل لديك موهبه اخري؟
يمكن مواهبي متعدد وبكتشف دا لكن انا متفرغ لشغلي ولو فيه وقت فراغ بيبقى كله للكتابه
ماالذي تريد تحقيقه ف المستقبل؟
حلمي جايزه الدوله في الشعر، حلم بعيد بس هموت واوصله جداً
من وجهة نظرك كيف يتعامل الكاتب مع اي نقد يوجه له؟
النقد لو بنّاء يامرحب ويُحتذى به .. اما لو دون ذلك فـ الداهيه اللي جابت تاخد
ما هي الرساله التي تود توصيلها للكتاب المبتدئين؟
نصيحتي ان موهبتك دي زي الورده
لو هتهتم بيها هتعيش وهتبقى افضل واجمل
اما لو اهملها هتذبل وتبلى .
جريده حلم كاتب.
- مؤسسه الجريده الكاتبه انچي أحمد حسن.
ليدر دينا السيد اشرقت أحمد.
تعليقات
إرسال تعليق