حوار صحفي مع الكاتب المبدع احمد راجح
في البدايه حابين انك تعرفنا بنفسك، اسمك وللقبك وسنك ومحافظتك؟
-احمد راجح
من كفر الشيخ
٢١سنه
رابعه كلية تمريض.
اكتشفت موهبتك ازاي او مين اكتشفها عندك؟
- محدش اكتشفهالي
لكن من زمان من وانا ف ابتدائي ف كنت بحاول اكتب لحد تانيه ثانوي بدأت المحاولات تزيد لحد م لقيتني بكتب كلام وبيعجب الناس كان اقرب وقتها للشعر
لحد موصلت للقصيده الصحيحه
ايه الاعمال اللي قدمتها لحد النهارده لموهبتك؟
-بقرأ لاي حد يقابلني وباخد منه الحلو واسيب الوحش قريت لكل الجيل القديم والجديد برضو.
وبتنمي موهبتك ازاي؟
-بالقراءه
اكيد ليك حد قدوه او بتتعلم منه في مجالك سواء من الجيل القديم او الجديد؟
-لا متأثرتش بحد
لدرجة انه يبقي قدوه ليا
اكيد واجهت انتقادات كتير ازاي كنت بتواجهه وبتتخطاها؟
-مبلتفتش ليها باخدها حافز ليا مش اكتر اني ابقي احسن.
اثناء مشوارك الكبير دا لموهبتك اكيد حد كان بيدعمك؟
-اكيد كان فيه ناس من صحابي كانو بيدعموني من البدايه بس مكملوش للنهايه وفيه ناس كانوا بيدعموني ومكملين واغلب الشعراء مش بيلاقوا دعم بس ماانكرش ان فيه دعم.
بتفكر في حاجه تعملها الفتره الجايه؟
-بحاول اعمل الحفل المنفرد وانزل بديوان بس انا فاقد الشغف حاليا
ان شاء الله الشغف يرجعلك وتحقق اللي بتتمناه.
امين يارب بشكرك.
تحب تنصح اي حد عنده موهبه بإيه؟
-القراءه الكتير وان اي حد لسه بادئ ميرميش ودانه للنقد السلبي
عشان يوصل
وياخد الانتقادات سلمه ليه
تحب تقول حاجه او تزود حاجه اخيره؟
-لا انا تمام كده
بشكر حضرتك جدا واتشرفت جدا بالحوار معاك وان شاء الله مش اخر حوار
-انا اكتر ي مريم رينايوفقك دايما يارب +اكيد مش اخر مره.
كتبت الصحفيه مريم وحيد.
مؤسسة الجريدة الإعلامية إنچي أحمد
تعليقات
إرسال تعليق