حوار صحفي مع الكاتب المبدع مصطفى حسين
الاسم: مصطفى حسين مهران
اللقب: درش مصر
المحافظة: الجيزة
الدراسة: طالب بالمستوى الرابع بكلية الآداب قسم المساحة
١- بدأت كتابة وأنا عندي ١٢ سنة، في ٦ ابتدائي.
٢- اكتشفت موهبتي بعد امتحان الشهر في مادة اللغة العربية، واتفاجأت بعدها إن الأستاذ بتاعي أشاد بموضوع التعبير اللي كتبته.. وخلاني أقرأه للفصل كله.. فـ من هنا بدأت رحلتي مع الكتابة..
٣- قدوتي هو أبويا.. وفي المجال نجيب محفوظ وفي الشعر عمرو قطامش.. وفي الحياة عمتًا أحمد الشقيري.
٤- بكتب دراما، وتشويق وإثارة، ورعب.
٥- أول وأكبر داعم ليا أبويا وأمي وأخواتي، لكن برضو صحابي حقيقي مصدر دعم كبير ومهم ليا في كل خطوة.. وتشجيعهم بيفرق معايا جدًا.
٦- أهم الإنجازات فوزي في مسابقة تحدي القراءة العربي على مستوى الإدارة التعليمية في أولى ثانوي، فوز قصتي القصيرة بالمركز الأول في مبادرة شباك، حصولي على المركز التالت في مسابقة الشعر العامي على مستوى الجامعة.
٧- أهم الصعوبات اللي واجهتني مرت صعوبات كتير عليا في فترة ما.. مقدرتش ساعتها أكمل كتابة، لكن الحمد لله الفترة دي عدت ورجعت أكتب بعدها.
٨- الكيانات اللي بتواجد فيها منصة Talent media واشتغلت فترة في مكتبة الميكروفون.
٩- كتاباتي: مجموعة من القصص القصيرة..
وده اقتباس من قصة كتبتها اسمها (شريط العمر)
- العمر لحظة، تجنب سرقته لك.
- كنت خير الناصحين.. ولكني أولى الناس بالنصيحة.
بالإضافة لمجموعة كبيرة من الأشعار المختلفة.
١٠- المواهب الأخرى: التعليق الصوتي وتأليف الشعر.
١١- أتمنى إن شاء الله تقديم برنامج إذاعي لحكاية قصص من تأليفي، وتأليف مجموعة من الكتب وتحقق نجاحات كبيرة وصوتي يوصل لكل الناس.
١٢- يحاول يستفاد من أي نقد يتوجه له ويبني عليه.. يعتبره بمعنى أصح نقد بناء وميأثرش فيه سلبًا بالعكس.. تكون وسيلة يحولها لتطوير نفسه للأحسن.
١٣- أحب أقول لكل حد بيبدأ في الكتابة خليك صبور، وأوعي يكون كل همك الربح المادي.. خليك دايمًا صاحب رسالة، وطوّر من نفسك دايمًا بالقراءة، وأحلم إن يكون ليك صوت مؤثر.
مؤسسة الكيان الكاتبة إنچي أحمد حسن
تعليقات
إرسال تعليق