حوار صحفي مع الشاعر محمود سعيد
في البدايه حابين انك تعرفنا بنفسك؟
_أنا محمود سعيد محمد عمر الجابي
من محافظة القليوبية _ مركز القناطر الخيريه
مواليد _٢٠٠٣_
بدرس في المعهد العالي للنظم والمعلومات بشبرا الخيمة في المرحلة الثالثه.
اكتشفت موهبتك ازاي او مين اكتشفها عندك؟
_ بدأت إلقاء الشعر في الإذاعة المدرسية في المرحلة الإعدادية وقد نال إلقائي إعجاب الجميع وقد كان هذا حافزًا لإستمراري ، ثم بدأت سُخرية من أصدقائي واستهوانًا بإلقائي بأن الجميع يستطيع فعل هذا بحفظ القصائد فقط ، فأخذت خطوة الكتابة وبوجود عدة عوامل أخرى من الضغط النفسي كوفاة أبي كانت الكتابة تمثل عاملاً كبيرًا للهروب بالنسبة إلي فكنت أهرب منها وأعود إليها، ومن هُنا بدأت كتابة الشِعر وليس الإلقاء فقط.
ايه اسم اول قصيده كتبتها ومممكن رباعيه منها؟
_ بياع المناديل
''من صُغر سِني''
مَلفوف بِشال الحِمل والزحمه
تايه في حرب الممكنات
من يوم ما عيني فتحت
وانا رجلي دايبه من العياط
ينزف انيني علي الرصيف
بالغصب فـَ تكعبل عليه
فـَ تذيد شقوقي من الشقا
علشان مبملكش المداس
والحافي دايما في المدا
حاسس بغربه في وحدته
مع إنه عايش وسط ناس .
ايه الاعمال اللي قدمتها لحد النهارده لموهبتك؟
_ ظهوري في عدة حفلات ولقاءات في التلفزيون وفيديوهات علي السوشيال ميديا.
بتنمي موهبتك ازاي؟
_لكثرة القراءة وسماع القصائد.
اكيد ليك حد قدوه بتتعلم منه في مجالك سواء من الجيل القديم او الجديد؟
_ قدوتي ( نفسي ) واتعلمت من الحياه والكتب وليس من اي شخص ما.
اكيد واجهت انتقادات كتير ازاي كنت بتواجهه وبتتخطاها؟
_مكنتش بزعل لاني عارف ان مفيش اي حد ف الكون كله محبوب ومقبول ميه ف الميه ف طبيعي لازم أقابل ده واتلاشي اي حاجه تدايقني.
اثناء مشوارك الكبير دا لموهبتك كان مين بيدعمك؟
_نلت شرف وقوفي على المسرح وسماع الجمهور إلي عدة مرات، وخلال هذه الرحلة تعرَّفت على عدة أشخاص وكونت صداقات عدة وكان هذا أيضًا حافزًا لإستمراري.
بتفكر في حاجه تعملها الفتره الجايه؟
_بفكر اعمل ديوان وحفل منفرد.
تحب تنصح اي حد عنده موهبه بايه؟
_المتعه ف الرحله مش ف الوصول يعني خليك عايش في الرحله وكأنها احسن ما تتمناه ف حياتك حتي لو كان العكس معاك عشان يكون عندك صبر اكتر وتعرف تحقق الوصول.
تحب تقول حاجه او تزود حاجه اخيره؟
_احب اقول شكرا للصحفيه مريم وحيد وبتمنا لها التوفيق والنجاح الدائم باذن الله.
بشكر حضرتك جدا
كتبت الصحفيه مريم وحيد
مؤسسة الجريده الاستاذه انجي احمد
تعليقات
إرسال تعليق