حوار صحفي مع الكاتب أحمد محمد القنه
اسمك؟
أحمد محمد القنه
دراستك؟
بكالوريوس علوم قسم كيمياء و كيمياء حيوية
محافظتك ؟
محافظة البحيرة مدينة كفر الدوار
متي بدائت الكتابة؟
بدأت الكتابة من صغري ...كنت دايماً بحب اكتب خواطر ...و بعد ظرف صعب مرت بيه خلي الكتابة هي المتنفس الوحيد ليا
اهم صفات الكاتب من رائيك؟
الصفة الأهم في الكاتب بالنسبة ليا هي أنه يقدر يأثر في مشاعر القارئ و بوصله
اي خططك المستقبلية؟
صدور اكبر عدد من الأعمال ليا ..و بتمني إن الأعمال ديه تلاقي النجاح المنشود
الكتابة بتمثل ليك اي؟
المتنفس الوحيد
ما هي انواع الكتابة المقربه ليك؟
رغم إن أعمالي كلها روائية لكن نوع الكتابة المقرب ليا هو الخواطر
من أول شخص كان ومازال داعم ليك؟
مش شخص واحد ..كتير...اقدر اقول أسرتي الصغيرة كلها
ما هي اهم أنجازاتك؟
إني بقيت اخصائي تحاليل طبية...و صدر ليا روايتي الأول من سنة فاتت و هي "شمس ريڤال"...و روايتي التانية اللي هتصدر خلال أيام بعنوان "للحب أسوار لا تتخطاها"
ما هي الصعوبات التي وجهتك؟
يمكن أنا من الناس اللي مبتعرفش تكتب حاجة هي مش حاسة بيها ..يمكن اقول إني شخص بيحط مشاعره علي الورق..و دي حاجة بحسها ميزة و عيب في نفس الوقت.. لأني اوقات كتير بحاول اهرب من اللي كتبته لو كان حاجة حزينة عشان مدخلش في الحالة ديه ..و ميزتها هي إن دايماً قدرت اوصل لمشاعر القراء
كيف تتعامل مع موهبتك كي تُنميها؟
بحاول اقرأ كتير لكل الناس
شئ من كتابتك؟
هختار كلمة غلاف روايتي الجديدة " للحب أسوار لا تتخطاها"
هل كان لقائنا درب من دروب القدر؟! هل تذهب" الاقدار بالأشخاص إلي هلاكها ؟! هل يختار احدهم طريق هلاكه بيده ؟! ظننت في البداية بأنه مجرد سور سوف نتخطاه ، ولكنني لم أدرك بأنها لعنة لا ينجو منها أحد .
أخبرونا قديمًا بأن الحب لا يعترف بلون أو دين او عرق، يعترف فقط بتلك النبضة المميزة للقلب، و عندما لامست قلوبنا تلك النبضة؛ حاكمونا، اتهمونا بالجنون و أشعلوا نيران المدينة بأسرها فقط؛ كي نحترق نحن ، لعلهم أرادوا لنا بأن نصبح أبطال رواية يتحاكى عنها الجميع ، و ها نحن أصبحنا
في تلك الرواية نذهب مع أبطالها في رحلة خارج حدود المألوف، من خلال دروب شخوص فهموا الحب و اختاروه بطريقةٍ ما."
هل لديك موهبه اخري؟
لا..بحس إن موهبتي الوحيدة هي الكتابة
هل تظن أن الموهبه وحدها تكفي للنجاح؟
لا ... الموهبة محتاجة معاها مجهود و تعامل بذكاء عشان توصل للي بتحلم بيه
من وجهة نظرك كيف يتعامل الكاتب مع اي نقد يوجه له؟
بشوف أنه يحاول يشوف هل النقد ده حاجة صحيحة فعلاً ممكن يغيرها و فيها فايدة له و لا دا نقد لمجرد النقد ..لو نقد لمجرد النقد بس يبقا ميردش خالص
ما هي الرساله التي تود توصيلها من خلال تجربتك؟
يمكن رسالتي اللي بحاول اوصلها هي اننا نقبل بعضنا زي ما إحنا..منحاولش نغير في شخص لمجرد أنه مش علي هوانا
اذا طلبت منك وصف المؤسسة لكي تلفت نظر العالم إليها وتبقي اقرب للقلوب ماذا ستقول؟
مؤسسة رائعة بتعمل بصدق و اللي بيشتغل بصدق دايماً بيوصل
مؤسسه الجريدة/ الكاتبة انچي أحمد
الكاتبة الصحفية/ مي شريف
تعليقات
إرسال تعليق